18,112 ക്രിസ്മസ് പാപ്പമാര്‍: തൃശൂരില്‍ നടന്ന പാപ്പാ സംഗമം ഗിന്നസ് ബുക്കിലേക്ക്

Story Dated :December 27, 2014

തൃശൂര്‍: തൃശൂര്‍ അതിരൂപതയുടെയും പൗരാവലിയുടെയും ആഭിമുഖ്യത്തില്‍ സംഘടിപ്പിച്ച ക്രിസ്മസ് പാപ്പാ സംഗമത്തിന് ഗിന്നസ് റെക്കോര്‍ഡ്. തൃശൂര്‍ തേക്കിന്‍കാട് മൈതാനത്ത് നടന്ന സംഗമത്തില്‍ 18,112 പാപ്പമാരാണ് അണിനിരന്നത്. ഗിന്നസ് ബുക്ക് പ്രതിനിധിനേരിട്ടെത്തി എണ്ണം തിട്ടപ്പെടുത്തി വേദിയില്‍ വെച്ചു തന്നെ ഗിന്നസ് റെക്കോര്‍ഡ് പ്രഖ്യാപിച്ചു. നോര്‍ത്ത് അയര്‍ലന്റിന്റെ പേരിലുണ്ടായിരുന്ന 13,000 സാന്റകള്‍ എന്ന റെക്കോര്‍ഡാണ് തൃശൂര്‍ തകര്‍ത്തത്.

എട്ട് വര്‍ഷം മുമ്പ് നടന്ന സംഗമത്തിലാണ് നോര്‍ത്ത് അയര്‍ലന്റ് 13,000 സാന്റകളെ അണിനിരത്തി റെക്കോര്‍ഡ് അടിച്ചെടുത്തത്. എന്നാല്‍ ഇന്ന് ആ റെക്കോര്‍ഡ് തിരുത്തിക്കൊണ്ട് പൂരങ്ങളുടെ നാടായ തൃശൂര്‍ സാന്റകളുടെ കൂടി നാടായി മാറി.ഒരു മാസത്തോളമായി നടന്നു വന്ന ക്രിസ്മസ് ആഘോഷ പരിപാടികളുടെ സമാപനം കൂടിയായിരുന്നു പാപ്പാസംഗമം.

One thought on “18,112 ക്രിസ്മസ് പാപ്പമാര്‍: തൃശൂരില്‍ നടന്ന പാപ്പാ സംഗമം ഗിന്നസ് ബുക്കിലേക്ക്

Leave a Reply

Your email address will not be published.