ഇയര്‍ ഇന്‍ റിവ്യൂ പാളി; ഫെയ്‌സ്ബുക്ക്‌ മാപ്പ്‌ പറഞ്ഞു

Story Dated :December 29, 2014

ഉപയോക്‌താക്കളുടെ വാര്‍ഷിക അവലോകനം (ഇയര്‍ ഇന്‍ റിവ്യൂ) അവതരിപ്പിച്ചതിന്‌ ഫെയ്‌സ്ബുക്കിന്റെ ക്ഷമാപണം. ഫെയ്‌സ്ബുക്ക്‌ ഉപയോക്‌താക്കളുടെ 2014ലെ ചിത്രങ്ങള്‍ കൂട്ടിയിണക്കിയാണ്‌ ഫെയ്‌സ്ബുക്ക്‌ വാര്‍ഷിക അവലോകനം അവതരിപ്പിച്ചത്‌. ഫെയ്‌സ്ബുക്ക്‌ അക്കൗണ്ട്‌ ഉടമകള്‍ക്ക്‌ ഒരു വര്‍ഷത്തെ ഓര്‍മകള്‍ അയവിറക്കാന്‍ 'ഇയര്‍ ഇന്‍ റിവ്യൂ' സഹായകമായി. എന്നാല്‍ ചിലര്‍ക്ക്‌ ഈ അവലോകനം ദുഃഖിപ്പിക്കുന്ന ഓര്‍മകളാണ്‌ സമ്മാനിച്ചത്‌. പ്രിയപ്പെട്ടവരുടെ മരണത്തിന്റെ ഓര്‍മ്മകള്‍ ഉണര്‍ത്തുന്ന ചിത്രങ്ങള്‍ ഉള്‍പ്പെടുത്തിയാണ്‌ ചിലര്‍ക്ക്‌ ഇയര്‍ ഇന്‍ റിവ്യൂ ലഭിച്ചത്‌. ഇതേതുടര്‍ന്നാണ്‌ ഫെയ്‌സ്ബുക്ക്‌ ക്ഷമാപണം നടത്തിയത്‌. എഴുത്തുകാരനും വെബ്‌ ഡിസൈന്‍ കണ്‍സള്‍ട്ടന്റുമായ എറിക്ക്‌ മെയറിനെ ഇയര്‍ ഇന്‍ റിവ്യൂ ഓര്‍മ്മപ്പെടുത്തിയത്‌ മസ്‌തിഷ്‌കാര്‍ബുദം ബാധിച്ച്‌ മരിച്ച അദ്ദേഹത്തിന്റെ മകളെയാണ്‌. ഇതേക്കുറിച്ച്‌ എറിക്ക്‌ ഹൃദയാവര്‍ജകമായ ഒരു കുറിപ്പ്‌ എഴുതിയിരുന്നു. ഇതേതുടര്‍ന്നാണ്‌ ഫെയ്‌സ്ബുക്ക്‌ ഖേദം പ്രകടിപ്പിച്ചത്‌.

എറിക്ക്‌ എഴുതിയ കുറിപ്പിന്‌ മറുപടിയായി ഫെയ്‌സ്ബുക്ക്‌ പ്രോഡകറ്റ് മാനേജര്‍ ജൊനാഥന്‍ ഗെല്ലര്‍ ഖേദം പ്രകടിപ്പിക്കുകയായിരുന്നു. ഇയര്‍ ഇന്‍ റിവ്യൂ ആപ്ലിക്കേഷന്‍ അവതരിപ്പിച്ച ടെക്‌നിക്കല്‍ ടീം അതിന്റെ പോരായ്‌മകള്‍ പരിഹരിക്കാന്‍ ശ്രമിക്കുകയാണെന്നും ഗെല്ലര്‍ അറിയിച്ചു. എറിക്കിനെപ്പോലെ പ്രിയപ്പെട്ടവരുടെ മരണം ഓര്‍മ്മിപ്പിച്ച്‌ ഇയര്‍ ഇന്‍ റിവ്യൂ ദുഃഖിപ്പിച്ചവരുടെ ആശങ്കകള്‍ പരിഗണിക്കുമെന്നും അദ്ദേഹം അറിയിച്ചു.

കൂടുതല്‍ ലൈക്കുകളും കമന്റുകളും ലഭിച്ച ഫോട്ടോകളാണ്‌ ഇയര്‍ ഇന്‍ റിവ്യൂ തയ്യാറാക്കുന്നതിന്‌ ഫെയ്‌സ്ബുക്കിന്റെ അല്‍ഗോരിതം തെരഞ്ഞെടുത്തത്‌.

5 thoughts on “ഇയര്‍ ഇന്‍ റിവ്യൂ പാളി; ഫെയ്‌സ്ബുക്ക്‌ മാപ്പ്‌ പറഞ്ഞു

  1. An outstanding share! I have just forwarded this onto a colleague who
    has been conducting a little research on this.

    And he in fact ordered me dinner because I found it for
    him… lol. So allow me to reword this….

    Thank YOU for the meal!! But yeah, thanx for spending time
    to discuss this issue here on your site.

Leave a Reply

Your email address will not be published.