ഫെയ്‌സ്ബുക്കില്‍ 2000 സുഹൃത്തുക്കളുള്ളവര്‍ക്ക്‌ പഞ്ചനക്ഷത്ര ഹോട്ടലില്‍ സൗജന്യ താമസം

Story Dated :November 28, 2014

സ്വീഡനിലെ 'നോര്‍ഡിക്‌ ലൈറ്റ്‌' എന്ന ഹോട്ടലാണ്‌ ഫെയ്‌സ്ബുക്ക്‌ പ്രേമികള്‍ക്ക്‌ 7 ദിവസം സൗജന്യ താമസം വാഗ്‌ദാനം ചെയ്‌തിരിക്കുന്നത്‌. ഒരു രാത്രിക്ക്‌ 230 പൗണ്ട്‌ ചാര്‍ജ്‌ ഈടാക്കുന്ന ആഡംബര സ്യൂട്ടാണ്‌ തികച്ചും സൗജന്യമായി നല്‍കുന്നത്‌. ഫെയ്‌സ്ബുക്ക്‌ പേജിലോ ഇന്‍സ്‌റ്റഗ്രാമിലോ 100,000 ഫോളോവേഴ്‌സ് ഉള്ളവര്‍ക്കും സൗജന്യ താമസ സൗകര്യം ലഭിക്കും. താമസം സൗജന്യമാണെങ്കിലും ഇതിന്‌ പകരമായി സോഷ്യല്‍ മീഡിയയിലെ പ്രചരണമാണ്‌ നോര്‍ഡിക്‌ ലൈറ്റ്‌ ഹോട്ടല്‍ ആവശ്യപ്പെടുന്നത്‌.

സൗജന്യ താമസം ലഭിക്കുന്നവര്‍ ഹോട്ടലിന്റെ പേര്‌ സഹിതം സോഷ്യല്‍ മീഡിയയില്‍ പ്രചരണം നല്‍കണം. ആദ്യം റിസര്‍വേഷന്‍ എടുക്കുമ്പോള്‍ ഇക്കാര്യം ഫെയ്‌സ്ബുക്കില്‍ പോസ്‌റ്റ് ഇടണം. പിന്നീട്‌ ഇവിടെ ചെക്ക്‌ ഇന്‍ ചെയ്യുമ്പോഴും ചെക്ക്‌ ഔട്ട്‌ ചെയ്യുമ്പോഴും ഇക്കാര്യങ്ങള്‍ ഫെയ്‌സ്ബുക്കില്‍ പോസ്‌റ്റ് ചെയ്യണം ഇതാണ്‌ ഹോട്ടല്‍ അധികൃതര്‍ മുന്നോട്ട്‌ വയ്‌ക്കുന്ന നിബന്ധന. സൗജന്യ താമസത്തിന്‌ തെരഞ്ഞെടുക്കപ്പെടുന്നവര്‍ നോര്‍ഡിക്‌ ലൈറ്റിന്റെ ഫെയ്‌സ്ബുക്ക്‌ പേജ്‌ ലൈക്ക്‌ ചെയ്യണം, ഫെയ്‌സ്ബുക്ക്‌ പോസ്‌റ്റുകളില്‍ ഹോട്ടലിന്റെ പേര്‌ ടാഗ്‌ ചെയ്യണം തുടങ്ങിയവയാണ്‌ മറ്റ്‌ നിബന്ധനകള്‍. എല്ലാ പോസ്‌റ്റുകളിലും നോര്‍ഡിക്‌ ലൈറ്റ്‌ എന്ന ഹാഷ്‌ ടാഗും ഉപയോഗിക്കണം.

ഇനി ഫെയ്‌സ്ബുക്കില്‍ രണ്ടായിരം സുഹൃത്തുക്കള്‍ ഇല്ലാത്തവര്‍ വിഷമിക്കേണ്ട. രണ്ടായിരം സുഹൃത്തുക്കള്‍ ഇല്ലാത്തവര്‍ക്കും ഇവിടെ താമസിക്കാന്‍ അവസരമുണ്ട്‌. എന്നാല്‍ താമസം പൂര്‍ണ്ണ സൗജന്യമായിരിക്കില്ല എന്ന വ്യത്യാസം മാത്രം. 1500 എഫ്‌.ബി സുഹൃത്തുക്കള്‍ ഉള്ളവര്‍ക്ക്‌ ഹോട്ടല്‍ ബില്ലില്‍ 15 ശതമാനം ഡിസ്‌കൗണ്ട്‌ ലഭിക്കും. ആയിരം ഫെയ്‌സ്ബുക്ക്‌ സുഹൃത്തുക്കള്‍ ഉള്ളവര്‍ക്ക്‌ 10 ശതമാനം ഡിസ്‌കൗണ്ടും 500 സുഹൃത്തുക്കളുള്ളവര്‍ക്ക്‌ 5 ശതമാനം ഡിസ്‌കൗണ്ടും ലഭിക്കും. ഹോട്ടലിന്റെ നിബന്ധനകള്‍ പ്രകാരമുള്ള കൃത്യമായ പരിശോധനകള്‍ക്ക്‌ ശേഷമേ സൗജന്യ വാഗ്‌ദാനം ലഭിക്കൂ. നിബന്ധനകള്‍ പാലിക്കാത്ത പ്ര?ഫൈല്‍ ഉടമകളുടെ അപേക്ഷ നിരസിക്കും.

2 thoughts on “ഫെയ്‌സ്ബുക്കില്‍ 2000 സുഹൃത്തുക്കളുള്ളവര്‍ക്ക്‌ പഞ്ചനക്ഷത്ര ഹോട്ടലില്‍ സൗജന്യ താമസം

Leave a Reply

Your email address will not be published.