Pravasi

ലത്തീഫ് സി. പി നിര്യാതനായി

ജിദ്ദ : നവോദയ ടൌണ്‍ ഏരിയ കുടുംബവേദി മുന്‍ പ്രസിഡന്റും  കുടുംബവേദി അംഗവുമായ കോഴിക്കോട് വെസ്റ്റ്ഹില്‍  ഫര്‍ഹാ മനസില്‍ മുഹമ്മദ്‌ ബാവ, നഫീസ ദമ്പതികളുടെ  മകനായ ലത്തീഫ് (55) ദുബായില്‍ നിര്യാതനായി. ഡിസംബര്‍ 12 ന് വെളുപ്പിന്   ദുബായിലുള്ള മകളെ കാണാന്‍  ഭാര്യ വഹീദയും മകന്‍ അഖിലുമൊന്നിച്ച് റോഡു മാര്‍ഗം കാറില്‍ പോകുന്ന വഴിയെ ബത്ത ചെക്ക് പൊയ്ന്റിനു ശേഷം 150 കിലോമീറ്റര്‍ അകലെയുള്ള യാത്രാമധ്യ വച്ച് മുന്നിലുള്ള ട്രെയിലറിനെ മറികടക്കുന്നതിനിടയില്‍ നിയന്ത്രണംവിട്ട വാഹനം ട്രെയിലറില്‍ ഇടിച്ചാണ് അപകടമുണ്ടായത്.<p> മകനോടിച്ചിരുന്ന വാഹനത്തിന്‍റെ മുന്‍സീറ്റില്‍ വലത്തുവശത്തു ഉറക്കത്തിലായിരുന്ന ഇദേഹത്തിനാണ് ആഘാതത്തില്‍ ഗുതരമായി പരിക്കേറ്റത്.  അപകടത്തില്‍ ട്രെയിലറിനോട് ചേര്‍ന്ന് നിന്ന വാഹനത്തില്‍ നിന്ന് ട്രാഫിക് പോലീസും നാട്ടുക്കാരും ശ്രമിച്ചിട്ടും പുറത്തെടുക്കാന്‍ കഴിയാതെ ഫയര്‍ഫോര്‍സ്  എത്തി ഒരു മണിക്കൂറുകള്‍ക്കു ശേഷമാണു ഇദ്ദേഹത്തെ പുറത്തെടുത്തു ഹോസ്പിറ്റലില്‍ എത്തിക്കാനയത്.</p><p> തീവ്രപരിചരണ വിഭാഗത്തില്‍ ചികിത്സയിലായിരുന്ന ഇദ്ദേഹം മരുന്നുകളോട് പ്രതികരിക്കാത്തതിനാല്‍ കൃത്രിമ ഉപകരണങ്ങളാല്‍ ജീവന്‍ നിലനിര്‍ത്താനുള്ള ശ്രമത്തിനിടയിലാണ് ഇന്ന് ബുധന്‍ 31.12.2014 ദുബായ് സമയം രാവിലെ 9 മണിക്കാണ് മരണത്തിന് കീഴടങ്ങിയത്. യാത്രയിലോപ്പമുണ്ടായിരുന്ന മകനും ഭാര്യയും നിസ്സാര പരിക്കുകളോട രക്ഷപെടുകയും പ്രാഥമിക ചികിത്സ നടത്തി ദുബായില്‍ തന്നെ ഇദ്ദേഹത്തോടൊപ്പം ആശുപത്രിയില്‍ തുടരുകയുമാണ് ഉണ്ടായത്. സൌദിയില്‍ നിന്ന് ദുബായിലേക്ക് പോകുന്ന വഴിയിലുള്ള മദീനത്തുല്‍ സായദദ് ഹോസ്പിറ്റലില്‍ ആണ് പ്രവേശിപ്പിച്ചിരുന്നത്.</p><p> അപകടവിവരം അറിഞ്ഞ് പിറ്റേ ദിവസം നവോദയ ഏരിയ പ്രസിഡന്‍റ് മോഹനനന്‍ വെള്ളിനെഴിയും, കുടുംബവേദി പ്രസിഡണ്ട്‌ അഷ്‌റഫ്‌ ആലുവയും ദുബായിലേക്ക് തിരിക്കയും രണ്ട് ദിവസം ആശുപത്രി അധികൃതരുമായും ബന്ധുക്കളുമായും സഹായങ്ങള്‍ സഹകരങ്ങള്‍ ചെയ്തതിനു ശേഷം ദാമ്മമിലേക്ക്തിരിച്ചു വരികയുമാനുണ്ടായത്. കുടുംബ വേദി  പ്രസിഡന്റ് ആയിരുന്ന ലത്തീഫ് കലാ, കായിക, സാംസ്‌കാരിക പ്രവര്‍ത്തങ്ങളില്‍ നവോദയ കുടുംബവേദിയുടെ ആവേശവും നാടകം, ഫുട്ബോള്‍, പാചക മത്സര പരിപാടികള്‍, കുട്ടികള്‍ക്കുവേണ്ടിയുള്ള ശാസ്ത്ര സാങ്കേതിക പരിപാടികളിലെയും നിറസാന്നിധ്യവുമായിരുന്നു.</p><p> ദമ്മാം കേന്ദ്രമായി പ്രവര്‍ത്തിക്കുന്ന എനര്‍കോ എന്ന പവ്വര്‍ എനര്‍ജി കമ്പനിയില്‍  10 വര്‍ഷത്തോളമായി ജോലി ചെയ്തു വരികയായിരുന്ന ഇദ്ദേഹം ഏകദേശം 25 വര്‍ഷത്തോളമായി സൗദിയിലെ വിവിധ പ്രദേശങ്ങളില്‍ ജോലി ചെയ്തിരുന്ന്ന്.  ഇപ്പോള്‍ ജോലി ചെയ്യുന്ന കമ്പനി അധികൃതരുമായി  നല്ല ബന്ധമുണ്ടായിരുന്നതിനാല്‍ അപകടം സംഭവിച്ച അന്നു മുതല്‍ കമ്പനി പ്രതിനിധി ഇദേഹത്തിനു വേണ്ട സഹായങ്ങള്‍ ചെയ്തു കൊടുക്കുന്നതിന് വേണ്ടി ദുബായിലെ ഹോസ്പിറ്റലില്‍ തന്നെ ഉണ്ടായിരുന്നു.  നിയമപരമായ മറ്റെല്ലാ സഹായങ്ങളും  നല്‍കുന്നതിനു കമ്പനി തയ്യാറവുകയും. മൃതദേഹം നാട്ടില്‍ എത്തിക്കുന്നതിനുള്ള നടപടി ക്രമങ്ങള്‍ കമ്പനി നടത്തി വരികയാണ്‌. ചേട്ടനായ കോയാക്കയും മകനും ഈ കമ്പനിയില്‍ തന്നെയാണ് ജോലി ചെയ്യുന്നത് മൂന്നു ദിവസത്തിനുള്ളില്‍ മൃതദേഹം നാട്ടിലെത്തിച്ച് കോഴിക്കോട് ജുമാ മസ്ജിത് കബര്‍സ്ഥാനില്‍ കബറടക്കം നടത്തുമെന്നാണ് ബന്ധുക്കള്‍ അറിയിച്ചത്. അപകടത്തെ തുടര്‍ന്ന്  നാട്ടില്‍ നിന്ന് സഹോദരന്‍ ദുബായില്‍ എത്തി ചികിത്സക്കും പരിചരണത്തിനും ആവശ്യമായ സഹായങ്ങള്‍ ചെയ്തു വന്നിരുന്നു.  ഫര്‍സാന മനസില്‍ മുഹമ്മദ്‌ ബാവ, നഫീസ ദമ്പതികളുടെ 5 ആണ്‍  മക്കളില്‍  ഒരാളാണ് മരണപെട്ട ലത്തീഫ്, കൂടാതെ മൂന്ന് സഹോദരിമാരുമുണ്ട്. ഭാര്യ വഹീദ ലത്തീഫ്, മകന്‍ അഖില്‍ ലത്തീഫ്, മകള്‍ ആലിഫ സഹീര്‍, മരുമകന്‍ സഹീര്‍ സെയ്ദ് ( മരുമകന്‍ ദുബായില്‍ ബാങ്കില്‍ ജോലി ചെയ്യുന്നു.)</p><p>

എന്‍ഡോസള്‍ഫാന്‍ ഇരകള്‍ക്കൊരു വീട് : ദമാമം മീഡിയ ഫോറം ചെക്ക് കൈമാറി

സൗദി അറേബ്യയിലെ  മാധ്യമ പ്രവര്‍ത്തകരുടെ  കൂട്ടായ്മയായ ദമാമം മീഡിയ ഫോറം കാസര്‍ഗോഡ്‌  ജില്ലയിലെ എന്‍ഡോസള്‍ഫാന്‍ ഇരകളിലെ ഒരു കുടുംബത്തിനു വീട് നിര്‍മിച്ചു  നല്‍കുന്നതിനുള്ള അവസാനവിഹിത ചെക്ക്‌  പി. ടി. അലവി എന്‍വിസേജ്  സഹജീവനം  ബദല്‍ മാനേജിംഗ്  ട്രസ്റ്റി പ്രോഫെസ്സര്‍ എം . എ. റഹുമാന് കൈമാറി.  നെഞ്ചം പറമ്പിനു സമീപം  ബെള്ളറടക്കയില്‍ 35  സെനറ്റ്‌ സ്ഥലത്ത്  ആറു  വീടുകളും  ഒരു  കമ്മ്യൂണിറ്റി സെന്ററും അടങ്ങിയ  പദ്ധതിയാണ് എം. ടി. വാസുദേവന്‍ നായര്‍ രക്ഷാധികാരിയായ ബദല്‍  ചാരിറ്റബിള്‍ ട്രസ്റ്റ്  പൂര്‍ത്തീകരിക്കുന്നത്.  320  ദുരിതബാധിതര്‍ ഉള്ള കാറഡാക്ക പഞ്ചായത്തില്‍  ഉള്‍പെടുന്നതാണ്  ഈ പ്രദേശം.  വീട്  പണിയുന്നതിനുള്ള  സ്ഥലവം അഞ്ചു വീടുകളും ഒരു കമ്മ്യൂണിറ്റി  സെന്ററും  ഇതിനകം പല കൂട്ടായ്മകള്‍  ചേര്‍ന്ന്  നല്‍കി  കഴിഞ്ഞു. ഏതാണ്ട്  നാല്  ലെക്ഷത്തോളം  ചിലവ്‌  വരുന്ന  വീടാണ്  മീഡിയ  ഫോറം  നല്‍കുന്നത്.   കോഴിക്കോട് നടന്ന ചെക്ക് കൈമാറല്‍  ചടങ്ങില്‍  ടി.പി.എം. ഫസല്‍,  വാസു നമ്പ്യാര്‍  എന്നിവര്‍  പങ്കെടുത്തു.

ജാതിവ്യവസ്ഥയുടെ ദുരിതവുംപേറി ‘ബായേന്‍’

അബുദാബി: നിത്യേനയെന്നോണം വര്‍ദ്ധിച്ചുവരുന്ന ജനപങ്കാളിത്തം കൊണ്ട് ഏറെ ശ്രദ്ധിക്കപ്പെട്ടുകൊണ്ടിരിക്കുന്ന ആറാമത് ഭരത് മുരളി നാടകോത്സവത്തില്‍ പത്താമത്തെ നാടകമായ 'ബായേന്‍' തൊഴിലുകളെ അടിസ്ഥാനപ്പെടുത്തിയുള്ള ജാതി വ്യവസ്ഥയില്‍ അധകൃതരായി മുദ്രയടിക്കപ്പെട്ട സ്മാശാന സൂക്ഷിപ്പുകാരുടെ ദുരിതജീവതിപ്പകര്‍പ്പായിരുന്നു. ജ്ഞാനപീഠ ജേത്രിയും ബംഗാളി എഴുത്തുകാരിയുമായ മഹേശ്വതാദേവിയുടെ 'ബായേന്‍' കെ. വി. ഗണേഷിന്റെ സംവിധാനത്തില്‍ നാട്യഗൃഹം അബുദാബിയാണ് രംഗത്തവതരിപ്പിച്ചത്.           പാര്‍ശ്വവത്ക്കരിക്കപ്പെട്ടുകൊണ്ടിരിക്കുന്ന സമൂഹത്തില്‍ വിവേചനങ്ങളുടെ ഇരകള്‍ എക്കാലവും സ്ത്രീകളും കുട്ടികളുമാണെന്ന നഗ്ന സത്യം നാടകത്തിലൂടെ വ്യക്തമാക്കുന്നു. 'ബായേന്‍' എന്ന് മുദ്രകുത്തപ്പെട്ട ചാന്ദിദാസിന്റെ ജീവിതത്തിലൂടെയാണ് നാടകം മുന്നേറിക്കൊണ്ടിരുന്നത്. സമൂഹത്തില്‍ നിന്നും ഒറ്റപ്പെടുമ്പോഴും, തന്നെ അപായപ്പെടുത്തുന്നവരെ പോലും രക്ഷപ്പെടുത്താന്‍ സ്വന്തം ജീവിതം ത്യജിക്കാന്‍ തയ്യാറാകുന്ന ചാന്ദിദാസ് എന്ന കഥാപാത്രം നന്ദികെട്ട ലോകത്ത് ഇപ്പോഴും അവശേഷിച്ചിരിക്കുന്ന നന്‍മയുടെ വെള്ളിവെളിച്ചമാകുന്നു.   ചാന്ദിദാസെന്ന കഥാപാത്രത്തിനു ജീവന്‍ പകര്‍ന്ന അനന്ത ലക്ഷ്മിയിലൂടെ മനസ്സിലെന്നും സൂക്ഷിക്കാവുന്ന ഒട്ടേറെ നല്ല മുഹൂര്‍ത്തങ്ങള്‍ പ്രേക്ഷകര്‍ക്ക് സമ്മാനിച്ചു. ബഗീരഥായി വേഷമിട്ട ആസാദിന്റെ പ്രകടനവും ശ്രദ്ധേയമായിരുന്നു. വിവേക്, റഷീദ് പി. കെ., വിഷ്ണുദാസ്, ശങ്കര്‍ മോഹന്‍ദാസ്, ബിജേഷ് രാഘവന്‍, അജയ് പാര്‍ത്ഥസാരഥി, സെന്തില്‍ കുമാര്‍, ഹാസ്, സജിത്, പ്രണവ്, അക്ഷത് കാര്‍ത്തിക് അനജ, അനുഗ്രഹ, മാനസ എന്നിവര്‍ ഇതരകഥാപാത്രങ്ങള്‍ക്ക് വേഷപ്പകര്‍ച്ച പകര്‍ന്നു. സത്യജിത്, ശബരിനാഥ് (സംഗീതം), ജോസ് കോശി (പ്രകാശവിതാനം), റസാഖ് (ചമയം), ഷാജി ശശി, ശങ്കര്‍ മോഹന്‍ദാസ് (രംഗസജ്ജീകരണം) എന്നിവരാകുന്നു അണിയറ ശില്‍പികള്‍.   പ്രശസ്ത ചലച്ചിത്ര സംവിധായകന്‍ മധു കൈതപ്രത്തിന്റെ ആകസ്മിക ിര്യാണത്തില്‍ അുശോചിച്ചുകൊണ്ടാണ് നാടകം അരങ്ങേറിയത്. കേരള സോഷ്യല്‍ സെന്റര്‍ ജറല്‍ സെക്രട്ടറി സഫറുള്ള പാലപ്പെട്ടിയുടെ അദ്ധ്യക്ഷതയില്‍ കലാവിഭാഗം സെക്രട്ടറി രമേശ് രവി അുശോചപ്രമേയം അവതരിപ്പിച്ചു. ഭരത് മുരളി ാടകോത്സവത്തിന്റെ പതിാന്നാം ദിവസമായ ഇന്ന് (വ്യാഴാഴ്ച) രാത്രി 8.30ന് സുധീര്‍ ബാബൂട്ടന്‍ രചയും സംവിധാവും നിര്‍വ്വഹിച്ച 'അന്തരം അയം' അല്‍ ഐന്‍ മലയാളി സമാജം രംഗത്തവതരിപ്പിക്കും.

ബഹ്‌റൈൻ കേരളിയ സമാജം സാഹിത്യവേദി പുസ്തക പ്രകാശനം

ബഹ്‌റൈന്‍ : ബഹ്‌റൈൻ കേരളിയ സമാജം അംഗവും സാഹിത്യവേദി പ്രവർത്തകയുമായ ശ്രി ദേവി എം. മേനോൻ എഴുതിയ സൈബര്‍ യുഗത്തിലെ ദേവദാസികൾ എന്ന കഥ സമാഹാരത്തിന്റെ പ്രകാശനം ജനുവരി 4 ഞായറാഴ്ച രാത്രി 8 മണിക്ക് സമാജത്തിൽ വച്ച് നടത്തപെടുന്നു.

എല്ലാ അക്ഷര സ്നേഹികള് ക്കും സ്വാഗതം.